Amérika kéngesh palatasi Uyghurlar toghrisida yighin chaqirip, Uyghur rehberlirining pikirini aldi

Amérika kéngesh palatasi jüme küni Uyghurlar toghrisida doklat bérish yighini chaqirip, Uyghur rehberlirining sh. Türkistan weziyiti, güentanamodiki Uyghurlar we sh t i herikitige munasiwetlik pikirini aldi.
Muxbirimiz erkin
2009.06.12
Share on WhatsApp
Share on WhatsApp

Yighinni kéngesh palatasining qanun komitéti uyushturghan bolup, yighin'gha kéngesh palatasining 60 ‏ - 70 neper idare xadimi qatnashqan.

Yighinda Uyghur herikitining rehbiri rabiye qadir xanim, dunya Uyghur qurultiyining qanun meslihetchisi, amérika krishttayin & yang qanun mulazimet shirkitining adwokati nuri türkel, amérika Uyghur jem'iyitining mu'awin re'isi alim séyitof qatnashqan.

Yighinda sherqiy türkistan herikitining radikalizim bilen bolghan munasiwiti, güentanamodiki Uyghurlar, sherqiy türkistanning nöwettiki weziyiti we xitayning Uyghurlargha qaratqan basturush siyasitige da'ir mesililer nigizlik muzakire qilin'ghan.

Yighinda rabiye qadir xanim xitay hökümiti sh. Türkistanni igiligen 1949 - yildin béri yolgha qoyghan basturush siyasitining Uyghurlarda yaratqan tesiri, Uyghurlarning nöwettiki weziyiti, xitayning térrorchiliqni bahane qilip, Uyghurlargha medeniyet, diniy, kishilik hoquq, ijtima'iy, ma'arip, Uyghur tili, turmush usuli qatarliq barliq sahelerde basturush siyasiti yürgüzüwatqanliqini we Uyghurlar hazir duch kéliwatqan mesililerni chüshendürgen.

Nuri türkel, sherqiy türkistan herikitining radikalizim bilen bolghan munasiwiti heqqide doklat bérip, Uyghur herikitining radikalizim bilen alaqisi yoqluqini, güentanamodiki Uyghurlarning afghanistan'gha bérip qélishidiki mejburiy sewebi, ularning güentanamoda yétip kétishining sewebi, döletler néme üchün ularni élishqa temshilelmidi dégen mesililerni chüshendürgen.

Amérika Uyghur jem'iyitining mu'awin re'isi alim séyitof, mezkur yighin toghrisida toxtilip,"bu amérika awam palatasiningla emes, kéngesh palatasiningmu Uyghur mesilisige köngül bölüwatqanliqining bishariti, dep qaraymiz" dep körsetti.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.