Xitay amérikini teywen'ge qoral sétip bermeslikke yene bir qétim chaqirdi

Teywen yéqinda, amérikidin yene 4 dane urush paraxoti sétiwélishni pilanlighan bolup, bu pilan ötken hepte xelq'ara axbaratqa chiqqandin kéyin, bügün yeni düshenbe küni xitay buninggha qarita inkas qayturghan.
Muxbirimiz shöhret hoshur
2012.04.23

Xitay tashqi ishlar bayanatchisi bu heqtiki süzide, “Bizning meydanimiz éniq we keskin: biz amérikining teywen'ge qoral sétishigha qarshimiz”dégen.

Fransiye axbarat agéntliqining bügünki bu heqtiki xewiride bildürüshiche, nöwette teywen armiyisining 8 urush paraxoti bar bolup, ötken ayda teywen herbiy da'iriliri muzakire élip bérip, qolidiki urushchi paraxotlarning sanini 12ge yetküzüshni pilanlighan. Teywen dölet mudapi'e ministiri bu pilanni ötken hepte prézidént ma yingjyugha sun'ghan.

Ma yingjyuning bu pilanni testiqlighan yaki testiqlimighanliqi hazirche melum emes. Emma ma yingjyuning yéqinqi sözliride teywenning bixeterlik mesilisini arqa-arqidin tilgha élishi mezkur pilanning testiqlan'ghan yaki testiqlinish aldida ikenlikidin bésharet bermekte.

Ötken yilimu amérikining teywen'ge 5milyard 850 milyon dollar qimmitide herbiy eslihelerni sétip bérip f-16 urushchi ayropilanlirini yéngilash pilani xitayning küchlük naraziliqini qozghighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.