Америка - хитай истратегийилик диалоги башланди

Бу нөвәт елип берилидиған америка - хитай истратегийилик диалоги бүгүн башланған болуп, буниңда америка ‏ - хитай сода мунасивәтлиридики қизил рәқәм мәсилиси қатарлиқ сәзгүр мәсилиләрдә сөһбәт елип берилидикән.
Мухбиримиз җүмә
2009-07-27
Share

Хәвәрләрдә илгири сүрүлүшичә, мәзкур диалогда иқтисадий мәсилиләрдин башқа йәнә, кишилик һоқуқ вә диний әркинлик мәсилилириму оттуриға қоюлидикән.

Франсийә агентлиқиниң көрситишичә, тибәт вә хитайдики муқимсизлиқ мәсилисини тилға алған бир нәпәр юқири дәриҗилик америка һөкүмәт хадими " әлвәттә кишилик һоқуқ мәсилисиму оттуриға қуюлиду" дегән.

Мәзкур диалог сабиқ америка президенти бош дәвридә 2006 - йили тәсис қилинған болуп, буниң асасий мәқсити, америка ‏- хитай сода мунасивәтлиридики тәңпуңсизлиқ вә хитай пулиниң алмаштуруш қиммитидики намувапиқ тәрәпләрни һәл қилиштин ибарәт иди.

2006 - Йилдин буян һәр йили бир қетим өткүзүлүватқан америка ‏ - хитай истратегийилик вә иқтисадий диалоги 27, 28 - июл күнлири америка пайтәхти вашингтонда өткүзүлиду. Әмма бу нөвәтлик йиғинда кишилик һоқуқ мәсилисиниң һәқиқий рәвиштә оттуриға қоюлидиған яки қоюлмайдиғанлиқи һазирчә намәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт