Америка : хитайниң тәйвәнгә қорал сетип бериш мәсилисидики реаксийиси артуқчә

Хитай ташқи ишлар баянатчиси бүгүн америкиниң тәйвәнгә қорал сетип бериш мәсилиси вә обаманиң далай лама билән көрүшүш пилани қатарлиқ бир қатар мәсилиләрдә америкиға қаттиқ наразилиқ билдүргән.
Мухбиримиз шоһрәт һошур
2010-02-02
Елхәт
Пикир
Share
Принт

Хитай тәрәп, "америка - хитай мунасивити хәлқара һәм район характерлик мәсилиләр үчүн интайин муһим, әмма бу мунасивәт сақланғили болмайдиған дәриҗидә тәсиргә учраватиду, буниң мәсулийити пүтүнләй америка тәрәптә" дегән.

Хитай баянатчи йәнә, америка президенти барак обаманиң далай лама билән көрүшүш пиланиғиму наразилиқ билдүргән. У бәш бурҗәклик бинаниң йеқинқи бир доклатидики хитайға аит сөзләргиму инкас қайтуруп, хитайниң һәрбий тәрәққиятиниң һечбир тәрәпкә тәһдит әмәсликини тәкитлигән.

Бирләшмә агентлиқиниң хәвәр қилишичә, америкиниң һәрбий даирилиридин бири бүгүн тәйвәнгә қорал сетип бериш мәсилиси үстидә тохтилип, хитайниң бу мәсилидики реаксийисиниң артуқчә болуватқанлиқини билдүргән. У, қорал сетип беришниң америка - хитай дипломатийисидики вәдиләргә уйғун икәнликини тәкитлигән. У хитайниң нөвәттики реаксийисиниң икки тәрәп мунасивитидә иҗабий вә куч қатқучи атмосфира пәйда қилалмайдиғанлиқини әскәрткән. 
Пикирләр (0)
Share
Толуқ бәт