Amérika : xitayning teywen'ge qoral sétip bérish mesilisidiki ré'aksiyisi artuqche

Xitay tashqi ishlar bayanatchisi bügün amérikining teywen'ge qoral sétip bérish mesilisi we obamaning dalay lama bilen körüshüsh pilani qatarliq bir qatar mesililerde amérikigha qattiq naraziliq bildürgen.
Muxbirimiz shohret hoshur
2010-02-02
Élxet
Pikir
Share
Print

Xitay terep, "amérika - xitay munasiwiti xelq'ara hem rayon xaraktérlik mesililer üchün intayin muhim, emma bu munasiwet saqlan'ghili bolmaydighan derijide tesirge uchrawatidu, buning mes'uliyiti pütünley amérika terepte" dégen.

Xitay bayanatchi yene, amérika prézidénti barak obamaning dalay lama bilen körüshüsh pilanighimu naraziliq bildürgen. U besh burjeklik binaning yéqinqi bir doklatidiki xitaygha a'it sözlergimu inkas qayturup, xitayning herbiy tereqqiyatining héchbir terepke tehdit emeslikini tekitligen.

Birleshme agéntliqining xewer qilishiche, amérikining herbiy da'iriliridin biri bügün teywen'ge qoral sétip bérish mesilisi üstide toxtilip, xitayning bu mesilidiki ré'aksiyisining artuqche boluwatqanliqini bildürgen. U, qoral sétip bérishning amérika - xitay diplomatiyisidiki wedilerge uyghun ikenlikini tekitligen. U xitayning nöwettiki ré'aksiyisining ikki terep munasiwitide ijabiy we kuch qatquchi atmosfira peyda qilalmaydighanliqini eskertken. 
Toluq bet