Курт кәмпелл: америка хитай билән болған мунасивәттә негизлик қиммәт қаришида чиң туриду

Америка ташқи ишлар министирликиниң ярдәмчи министири курт кәмпелл америка дөләт мәҗлисидә гуваһлиқ берип, америкиниң хитай билән болған мунасивәттә истиратегийилик мәнпәәти вә негизлик қиммәт қаришида чиң туридиғанлиқини билдүрди.
Мухбиримиз әркин
2010-03-04
Share

Курт кәмпелл йәнә, америкиниң хитай билән "иҗабий, омуми йүзлүк вә һәмкарлиқ характерлик мунасивәт" орнитишни үмид қилидиғанлиқини әскәртип, лекин хитай билән болған содидики тәңпуңсизлиқни тәңшәшниң зөрүрлүкини тәкитлиди.

Кәмпелл америка дөләт мәҗлиси ташқи мунасивәтләр комитетиниң чаршәнбә күнки йиғинида әскәртип, америка-хитай арисида кишилик һоқуқ, әқлий мүлүк һоқуқи вә хитай һәрбий заманивилаштуруш қәдиминиң очуқ - ашкарә болуши қатарлиқ бир қатар мәсилиләрдә йәнила ихтилап барлиқини илгири сүрди.

У мундақ дәйду: "биз (хитайға) йәнә шу бишарәтни беримиз, америка өзиниң истиратегийилик мәнпәәти вә негизлик қиммәт қаришида чиң туриду. Шуңа америка бир қанчә һәптидин бери тәйвән мунасивәт қануниға асасән тәйвәнгә бир қисим қоралларни сетип беришкә қошулди. Президент обама тибәт роһани даһиси далай лама билән учрашти. Биз йәнә тәдбир қоллинип, дөләт ишлар министири клинтон оттуриға қойған тор әркинлик мәсилисини әмилиләштүрүшкә тиришимиз".

Кәмплл бу сөзләрни америка муавин дөләт ишлар министири стейнберг хитайни зиярәт қиливатқан мәзгилдә тәкитлигән болуп, кәмпелл дөләт мәҗлисидики сөзидә стейнбергниң хитай даирилириға "америкиниң мәнпәәтиниң қәйәрдә икәнликини ашкарә ейтидиғанлиқи"ни билдүрди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт