Америка дөләт мәҗлиси вәкиллири хитай сәпирини башлиди

Америка дөләт мәҗлиси авам палата рәисо нанси пелоси башчилиқидики америка парламент вәкиллири өмики йәкшәнбә күни хитайниң шаңхәй шәһиригә йетип кәлди.
Мухбиримиз үмидвар
2009-05-24
Share

Бирләшмә агентлиқиниң хәвәр қилишичә, пәлоси ханим бу қетим хитайда ечилидиған америка - хитай һава килимати вә енергийә мәсилисигә аит йиғинға қатнишиду. Пәлоси ханим башчилиқидики вәкилләр өмики сәйшәнбә күни бейҗиңда хитай хәлқ қурултийиниң мудири ву баңго қатарлиқ бир қисим хитай алий рәһбәрлири билән көрүшидә һәмдә енергийә мәсилисигә аит йиғинға иштирак қилиду.

Шаңхәй шәһири нәнси пелоси ханим йетәкчиликидики америка дөләт мәҗлиси вәкилләр өмикиниң биринчи бекити болсиму, лекин униң асаслиқи паалийити йәни хитай тәрәп билән америка - хитай иқтисадий, енергийә һәмкарлиқлирини ашурушқа аит сөһбити бейҗиңда елип берилиду.

Б б с ниң хәвәр қилишичә, пелоси ханим өзиниң бу қетимқи сәпиридә хитай рәһбәрлиригә инсан һоқуқи мәсилисини оттуриға қоюшқа аит соалларға җаваб бәрмигән болуп, әслидин тибәтләрниң роһаний даһийисини қоллап кәлгән вә 1989 - йилиәдики тиананмән вәқәсидә қирғин қилинған оқуғучиларға һесдашлиқ қилип, хитай һөкүмитини бу мәсилидә әйиблигән пәлоси ханимниң бейҗиң зиярити тиананмән вәқәсиниң 20 йиллиқиға тоғра кәлгән болуп, униң сәпири инсан һоқуқи паалийәтчилириниң қизиқишини қозғиди.

Пелоси ханим һәтта өткән йили тибәтләрниң ласадики намайиши бастурулғанда, һиндистанниң шималдики тибәтләр мәркизи даримсалагға берип, далай лама билән көрүшкәндә һәмдә бейҗиң һөкүмитини тәнқид қилған иди. Әмма, у бу қетим тибәт, уйғур вә фалунгоңчилар кишилик һоқуқ мәсилилирини тәкитләмду йоқ, техи һазирчә ениқ әмәс.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт