Америка парламинт башлиқи нәнси пелоси ханим бүгүн бейҗиңда намайишчиларни көрди

Хитайни зиярәт қиливатқан америка парламинт башлиқи нәнси пелоси ханим бүгүн бейҗиңда хәлқ қурултейиниң ахбарат зали алдида, топлинип намайиш қилған кишиләр топини көрди.
Мухбиримиз вәли
2009-05-27
Share

Ройтрс агентлиқиниң баян қилишичә, намайишчилар нәнси пелоси ханимни, авазини йәткичә көтүрүп шуар товлап, бәзилири йиға - зарә қилип туруп қарши алған иди. Улар қизил хәт йезип тәйярлиған пилакатлири арқилиқ нәнси ханимни кишилик һоқуқниң дүшмәнлиригә болған өчмәнликини чоқум ипадиләшкә чақирди.

'Һава райи өзгириши тоғрисида сөһбәт өткүзүш үчүн кәлди' дәп аталған америка парламинт башлиқи нәнси пелоси ханим вә униң билән биллә кәлгән америка парламинти гурупписиниң әзалири хитай мәркизи һөкүмитиниң алдида намайиш қиливатқан бу хәлқниң авазини вә көтүргән пилакатлирини өз көзи билән көди.

Улар 'нәнси ханим биз сизни сөйимиз', 'сиз һәргиз улар билән биллә чириклишип кәтмәң', 'кишилик һоқоққа көңүл бөлүң' дәп йезилған пилакатларни көтүрүвалған иди. Гуаңдуңдин кәлгән 51 яшлиқ чен фамилилик бир киши нәнси ханим киридиған зални бармиқи билән көрситип 'бу сахта тәшвиқат қилидиған җай' дәп товлиди.

Нәнси ханим хитайни кишилик һоқуқни дәпсәндә қилғанлиқини қаттиқ тәнқид қилип келиватқан әрбаб иди. У бу қетим хитайни зиярәт қилғанда, хитай һөкүмити уни хәлққә йеқинлаштурмиған иди. Бу қетим у хитайниң мәшһур йиғин залиға кириш алдида һаман хәлқни көрди вә уларниң авазини аңлиди.

Мушу қисқиғинә вақит ичидә, ройтрс агентлиқиниң бән биләнчард, кирис букли қатарлиқ язғучилири нәқ мәйданда, хитай сақчилири намайишчиларниң әң ахирқисини тутуп аптомобилға селип елип кәткәнгә қәдәр көзитип турған.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт