Бир америкилиқ миссйонер шималий корийә рәһбири ким җоңилға йезилған бир парчә хәтни елип шимали корийә чегрисидин өтти

Мәлум болушичә, хәт шималий корийидә түрмигә ташланған сиясий мәһбуслар вә шималий корийидики кишилик һоқуқ мәсилигә қарита дуня җамаәтчилики вә ким җоңилниң диққитини җәлп қилиш мәқситидә йезилған.
Мухбиримиз җүмә
2009-12-26
Share

Шималий корийигә мәзкур хәтни елип киргүчи америкиниң аризона штатида яшайдиған куриян америкилиқ роберт парк болуп, у хитай чегриси арқилиқ туман дәрясидин өтүп шималий корийигә киргән.

Һалбуки миссйонер роберт паркниң шималий корийә даирилири тәрипидин қолға елинған яки елинмиғанлиқи һазирчә намәлум икән.

Мәлуматларға қариғанда шималий корийигә қанунсиз кириш җинайитигә 3 йиллиқ қамақ җазаси берилип, шималий корийә әгмәк билән өзгәртиш мәйданлириға қамилидикән.

Бу йил язда, 2 нәпәр америка мухбириму шималий корийигә қанунсиз киргән дегән җинайәт билән 3 йиллиқ қамақ җазасиға һөкүм қилинған иди. Кейин сабиқ америка президенти бил клинтон шәхсән өзи шималий корийә берип, бу икки нәпәр америкиға пуқрасини қутулдуруп чиққан иди.

Нөвәттә хитайниң бейҗиң шәһиридики америка әлчи ханиси робертниң әһвалиға йеқиндин көңүл болуватқанлиқи, әмма униң тәқдириниң қандақ болғанлиқи һәққидә һечқандақ мәлуматқа игә әмәсликини илгири сүргән.

Шималий корийә сиясий мәһбусларға өлүм җазиси беридиған мустәбит дөләтләрниң бири. Шималий корийә хитайниң иттипақдашлиридин бири болуп, шималий корийидиму пикир, ахбарат вә диний ейтқан әркинликини еғир дәриҗидә чәкләнгән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт