Amérika‏ - xitay istratégiye we iqtisad söhbiti axirlashti

Amérika - xitay istratégiye we iqtisad söhbiti bügün axirlashti. Xewerlerde bildürülüshiche, bu qétimqi söhbette, xitay pulining qimmitidin tartip intérnét erkinlikige qeder köpligen témilar muzakire qilin'ghan.
Muxbirimiz shohret hoshur
2010-05-25
Share

Xitay tashqi ishlar bayanatchisi jyang yü bügün ikki terep söhbitining keng da'irilik we tepsiliy bolghanliqini bildürgen. Melum bolushiche, xitay shimaliy koriye mesiliside amérika bilen hemkarlishidighanliqini bildürgen.

Pul qimmiti mesilisidimu yéqinda tengshesh élip baridighanliqini, emma buni xitayning öz ehwaligha asasen élip baridighanliqini eskertken. Xitay terep iranning yadro mesiliside, diplomatik yol üchün yenila purset barliqini tekitligen.

Söhbette xitay terep, amérikining nazuk téxnikini éksport qilishta cheklimini bikar qilishini telep qilghan.

Hillariy klinton énérgiye hemkarliqi we kilimat mesiliside xitay bilen ortaq pikir hasil qilghanliqini bildürgen. U, ikki terep söhbitining ongushluq bolghanliqini bildürüsh bilen bille, ikki terepning yene kélishelmigen mesililiriningmu bolghanliqini tilgha alghan. Emma kélishelmigen mesililer üstide konkrét toxtalmighan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet