Америка хитайниң авиаматка ясаш тиришчанлиқлиридин қорқуп кәтмәйдиғанлиқини билдүрди

Хитай һәрбий даирилири деңиз армийә қисимлириға авиаматка сәплинидиғанлиқини ашкарилиған болуп, америка даирилири хитайниң мәзкур тиришчанлиқлириға диққәт қилидиғанлиқи, әмма буниңдин қорқуп кәтмәйдиғанлиқини билдүрди.
Мухбиримиз җүмә
2009-03-09
Share

Ройтерста нәқил қилинишичә, нөвәттә вйетнамда зиярәттә болуватқан америка деңиз армийиси, тинч окян қисимлириниң қомандани адмирал роберт виллард, авиаматка ясап чиқишниң " юқири нисбәттә һәр түрлүк билим, вақит вә бурч" тәләп қилидиған хизмәт икәнликини билдүргән вә " буни ясап чиқмақ улар ойлиғандин көп қийин" дегән.

Адмирал виллард мухбирларға йәнә хитайниң авиаматка ясаш қизғинлиқиниң америкиниң хиялиға кирип чиқмайдиған иш икәнликини билдүрүп: " биз буниңға қизиқимиз, әмма пәқәт тәшвишләнмәймиз" деди.

Адмирал виллард йәнә, америка даирилириниң хитай тәрәпниң һәрбий тәрәққиятини йеқиндин көзитип келиватқанлиқини, бу җәһәттики чүшинишниң асия тинч окян районниң бихәтәрлики үчүн пайдилиқ икәнликини илгири сүрди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт