Amérika awam palatasi béyjingni Uyghurlar bilen söhbet ötküzüshke chaqirdi

Amérika awam palatasi xitay hökümitini Uyghurlar bilen sühbet ötküzüshke chaqirdi. Seyshenbe küni amérika awam palata bayanatchisi nensiy pelosi, xitay hökümitining Uyghurlargha qollan'ghan qattiq qolluq siyasitini eyiblidi hemde xitay hökümitini Uyghurlarning ghezipini yandurush üchün ular bilen söhbet ötküzüshke chaqirdi.
Muxbirimiz gülchéhre
2009-07-07
Élxet
Pikir
Share
Print

Merkizi axbarat agéntliqining xewiride palosining sözlirini neqil alghan bolup, pelosi xitay hökümitining siyasitini eyiblep " xitay hökümitining Uyghur élining merkizi ürümchide özining meqsitini ishqa ashurush üchün qattiq qol siyaset qollinishi Uyghur élining weziyitini jiddiyleshtürüp, Uyghur xelqining ghezep ‏ - nepritini kücheytiwetti" dégen.

U yene" xitay hökümiti zörür bolghan qedem ‏ - basquchlar bilen tinchliq yolidiki naraziliqlargha yol qoyushi we muxbirlarning, közetchilerning weqelik jeryanini igilishi hem xewer qilishigha yol qoyushi kérek " dep chaqiriq qilghan.

Palosi xanim xitay hökümitining naraziliq heriketlerning milliy toqunush hem yenimu éghir zorawanliq heriketlirige aylinishining aldini élish üchün Uyghurlarning rehberliri bilen söhbet ötküzüshi zörürlükini tekitligen.

Toluq bet