Америка дипломатлири икки дөләт арисидики аразчилиқни оңшаш үчүн бейҗиңға йетип барди

Америкиниң тәйвәнгә қорал сетип бериш қарари вә обаманиң далай ламани қобул қилиши америка - хитай мунасивитидә аразчилиқ пәйда қилған иди. Буниң үстигә америка ташқи ишлар министири һилларий ханимниң хитайниң инсан һәқлири мәсилисини тәнқид қилиши вә гогул интернет ширкитиниң хитайдин чекинишни елан қилиши қатарлиқ бир қатар мәсилиләр икки тәрәп арисидики аразчилиқни кәскинләштүргән иди.
Мухбиримиз шоһрәт һошур
2010-03-02
Елхәт
Пикир
Share
Принт

Йеқинқи бир һәптидин бериқи учурлардин қариғанда, мунасивәтни әслигә кәлтүрүш үчүн һәр икки тәрәптин қәдәмләр бесилмақта. Хитай баш министири вен җябав шәнбә күнидики сөзидә икки дөләт мунасивитиниң муһимлиқини вә мунасивәтни тезрақ әслигә кәлтүрүшни халайдиғанлиқини билдүргән вә икки тәрәп мунасивитиниң яманлишишида мәсулийәтниң америка тәрәптә икәнликини тәкитлигән.

Бүгүн америка муавин ташқи ишлар министири James Steinberg вә пешқәдәм ақсарай мәслиһәтчиси Jeffrey Bader мәсилиләрни йүз туранә сөзлишиш үчүн бейҗиңға йетип барған.

Хәвәрләрдә көрситилишичә, америка дипломатлириниң мәқсити бу қетим иранға йеңидин җаза қоллиниш мәсилисидә хитайниң қоллишиға еришиштур. Бирақ бүгүн әтигән хитай ташқи ишлар баянатчиси, иран мәсилисидә йеңидин җаза қоллинишқа балдур икәнликини, дипломатийә йоли үчүн йәнила бошлуқ барлиқини тәкитлигән. 
Пикирләр (0)
Share
Толуқ бәт