Amérika diplomatliri ikki dölet arisidiki arazchiliqni ongshash üchün béyjinggha yétip bardi

Amérikining teywen'ge qoral sétip bérish qarari we obamaning dalay lamani qobul qilishi amérika - xitay munasiwitide arazchiliq peyda qilghan idi. Buning üstige amérika tashqi ishlar ministiri hillariy xanimning xitayning insan heqliri mesilisini tenqid qilishi we gogul intérnét shirkitining xitaydin chékinishni élan qilishi qatarliq bir qatar mesililer ikki terep arisidiki arazchiliqni keskinleshtürgen idi.
Muxbirimiz shohret hoshur
2010-03-02
Share

Yéqinqi bir heptidin bériqi uchurlardin qarighanda, munasiwetni eslige keltürüsh üchün her ikki tereptin qedemler bésilmaqta. Xitay bash ministiri wén jyabaw shenbe künidiki sözide ikki dölet munasiwitining muhimliqini we munasiwetni tézraq eslige keltürüshni xalaydighanliqini bildürgen we ikki terep munasiwitining yamanlishishida mes'uliyetning amérika terepte ikenlikini tekitligen.

Bügün amérika mu'awin tashqi ishlar ministiri James Steinberg we péshqedem aqsaray meslihetchisi Jeffrey Bader mesililerni yüz turane sözlishish üchün béyjinggha yétip barghan.

Xewerlerde körsitilishiche, amérika diplomatlirining meqsiti bu qétim iran'gha yéngidin jaza qollinish mesiliside xitayning qollishigha érishishtur. Biraq bügün etigen xitay tashqi ishlar bayanatchisi, iran mesiliside yéngidin jaza qollinishqa baldur ikenlikini, diplomatiye yoli üchün yenila boshluq barliqini tekitligen. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet