Америка дөләт мәҗлис әзалири қолға елинғанларни дәрһал қоюп беришни тәләп қилди

Америка авам палата әзаси, дөләт мәҗлиси там лантос кишилик һоқуқ комитетиниң рәиси җеймис микгавирен түнүгүн баянат елан қилип, уйғур или вәзийити вә өлүм - йитим вәқәлириниң үзлүксиз көпийиватқанлиқидин әндишә қиливатқанлиқини билдүрди.
Мухбиримиз гүлчеһрә
2009.07.07
Share on WhatsApp
Share on WhatsApp

Җеймис микгавирен әпәнди баянатта мундақ дегән": әгәр хәвәрләрдә ейтилғанлар тоғра болса, бу хитай даирилириниң тйәнәнмен вәқәсидин кейин елип барған әң зор қирғинчилиқи болуп қалиду. Хитай даирилири үрүмчиниң вәзийитини юмшитидиған барлиқ тәдбирләрни елиши, җүмлидин хәлқара җәмийәт тәрипидин қобул қилинған ипадә әркинлики вә йиғилиш әркинликини қолланған уйғур оқуғучилар вә намайишчиларни халиғанчә қолға елиш вә тутқун қилишни дәрһал тохтитиши керәк."

Микгаверин йәнә, хитай даилириниң үрүмчидики намайишчиларға қорал ишлитиш мәсилиси үстидин мустәқил кишилик һоқуқ тәкшүрүши елип беришқа йол қоюшни тәләп қилип, җүмлидин " гүаңдуңдики лүкчәкләрниң уйғур оюнчуқ завути ишчилириға һуҗум қилиш вәқәси" үстидин тәкшүрүш елип беришиғиму йол қоюши керәк" дәп көрсәтти.

Шу күни америка авам палата әзалиридин билл делейхунт билән дана рорабакерлар баянат елан қилип, хитай даирилириниң үрүмчидики намайишни бир тәрәп қилиш усулини әйиблиди. Авам палата әзалири баянатта америка һөкөмитиниң үрүмчидики бастурушни қаттиқ әйиблишини, хитай даирилириниң тйәнәнмен қирғинчилиқини үрүмчидә қайта елип беришиға йол қоймаслиқини тәләп қилди.

Улар баянатта мундақ дегән": америкиниң хитайниң уйғурларға зиянкәшлик қилишиға қарши орнидин туридиған вақти кәлди.... Биз әмгәк мәсилилиридә завут ишчилириға вә оқуғучиларға оқ атқан бир һакимийәт билән 'нормал сода'мунасивитидә болмаслиқимиз керәк."


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт