Amérika dölet mejlis ezaliri qolgha élin'ghanlarni derhal qoyup bérishni telep qildi

Amérika awam palata ezasi, dölet mejlisi tam lantos kishilik hoquq komitétining re'isi jéymis mikgawirén tünügün bayanat élan qilip, Uyghur ili weziyiti we ölüm - yitim weqelirining üzlüksiz köpiyiwatqanliqidin endishe qiliwatqanliqini bildürdi.
Muxbirimiz gülchéhre
2009.07.07
Share on WhatsApp
Share on WhatsApp

Jéymis mikgawirén ependi bayanatta mundaq dégen": eger xewerlerde éytilghanlar toghra bolsa, bu xitay da'irilirining tyen'enmén weqesidin kéyin élip barghan eng zor qirghinchiliqi bolup qalidu. Xitay da'iriliri ürümchining weziyitini yumshitidighan barliq tedbirlerni élishi, jümlidin xelq'ara jem'iyet teripidin qobul qilin'ghan ipade erkinliki we yighilish erkinlikini qollan'ghan Uyghur oqughuchilar we namayishchilarni xalighanche qolgha élish we tutqun qilishni derhal toxtitishi kérek."

Mikgawérin yene, xitay da'ilirining ürümchidiki namayishchilargha qoral ishlitish mesilisi üstidin musteqil kishilik hoquq tekshürüshi élip bérishqa yol qoyushni telep qilip, jümlidin " güangdungdiki lükcheklerning Uyghur oyunchuq zawuti ishchilirigha hujum qilish weqesi" üstidin tekshürüsh élip bérishighimu yol qoyushi kérek" dep körsetti.

Shu küni amérika awam palata ezaliridin bill déléyxunt bilen dana rorabakérlar bayanat élan qilip, xitay da'irilirining ürümchidiki namayishni bir terep qilish usulini eyiblidi. Awam palata ezaliri bayanatta amérika hökömitining ürümchidiki basturushni qattiq eyiblishini, xitay da'irilirining tyen'enmén qirghinchiliqini ürümchide qayta élip bérishigha yol qoymasliqini telep qildi.

Ular bayanatta mundaq dégen": amérikining xitayning Uyghurlargha ziyankeshlik qilishigha qarshi ornidin turidighan waqti keldi.... Biz emgek mesililiride zawut ishchilirigha we oqughuchilargha oq atqan bir hakimiyet bilen 'normal soda'munasiwitide bolmasliqimiz kérek."


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.