Amérika bilen yaponiye herbiy hemkarliqlirini közdin kechürüshke bashlidi

Roytérs agéntliqining xewer qilishiche, yaponiye mudapi'e ministirliqidin bérilgen bayanatta, 15 yildin béri rayon weziyitide yüz bergen özgirishler, xitayning déngizdiki heriket da'irisini kéngeytishi, shimaliy koriyining bashqurulidighan bomba sinaq qilishigha oxshash yaponiyining xewpsizlikige taqishidighan özgirishlerning ikki dölet arisidiki bu herbiy hemkarliq kélishimini közdin kechürüp chiqishni teqezza qilghanliqi ipade qilin'ghan.

Igilinishiche, buningda ikki döletning amérika, yaponiye herbiy qisimlirining yaponiye ichide yaki yéqinida qandaq hemkarliq qilidighanliqigha a'it bir qatar mesililer muzakire qilip békitilidiken.

Xitay bilen bolghan aral mesilisidiki qattiq pozitsiyisi bilen tonulidighan yéngi bash wezir shinzo abé textke chiqqandin kéyin, amérika bilen bolghan herbiy hemkarliqni ashurush üchün ikki terep arisida bir qanche qétim uchrishishlar ötküzüldi. Téxi ikki künning aldida ikki döletke a'it küreshchi ayropilanlar yaponiyidiki 3 chong aralning biride ortaq herbiy manéwir élip bardi.

Xewerlerde ikki döletning herbiy hemkarliq kélishimini közdin kechürüp yéngi maddilarni békitip chiqishi üchün bir yildek waqit kétidighanliqi bildürülmekte.