Amérikiliq inzhénér xitaygha herbiy téxnika mexpiyitini sétish bilen eyiblinip sotqa tartildi

Amérikining bir inzhénéri xitaygha herbiy téxnika mexpiyitini sétish bilen eyiblinip sotqa tartildi. Birleshme agéntliqining xewer qilishiche, bu yil 66 yashqa kirgen nashir gowadiya isimlik bu inzhénér ilgiri amérikining b-2 tipliq radarda körünmes bombardimanchi ayropilan yasash tetqiqatigha qatnashqan. U 2005-yili xitaygha bu xil ayropilan yasash téxnikisini sétip bérish jinayiti bilen qolgha élin'ghan.
Muxbirimiz irade
2011.01.24

Fédiral sot mehkimisi düshenbe küni uning üstidin sot achqan bolup, fédiral saqchi idarisi sotta uning dölet mudapi'esige da'ir mexpiyetlikni ashkarilap, herbiy qorallarni éksport qilish qanunigha xilapliq qilghanliqini, xitaygha sétip bergen herbiy téxnikisi üchün xitaydin 110 ming dollar pul alghanliqini ilgiri sürgen.

Sotchi eger nashir gowadiya üstidin sunulghan yuqiridiki erzlerni mu'eyyenleshtürse, uninggha ömürlük qamaq jazasi bérilidiken.

Xitay da'iriliri amérika mudapi'e ministiri robért géytis xitayda resmiy ziyarette boluwatqanda, özi tetqiq qilip yasap chiqqan j -20 tipliq körünmes küreshchi ayropilanini chéngdu shehiride sinaq qilghanliqini ashkarilighan idi. Amérika fédiral tekshürüsh idarisi nashir gowadiyaning 2003- yili del shu chéngdu shehiride xitay terepke bu ayropilan'gha da'ir mexpiyetlikni bergenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.