Sidnéydiki Uyghur ana til mektipi xelq'ara ana til bayrimini qutluqlash pa'aliyiti ötküzdi

Awstraliyining sédnéy shehiridiki Uyghur ana til mektipi, 20-féwral küni chüshtin kéyin, liwerpol rayonidiki murasim zalida pa'aliyet ötküzüp, 12-nöwetlik xelq'araliq ana til bayrimini tebrikligen.
Muxbirimiz shöhret hoshur
2011.02.22

Pa'aliyette aldi bilen oqughuchilar ana til heqqide shé'ir déklamatsiye qilghan, arqidin sadir palwan qoshaqliri qatarliq Uyghur xelq qoshaqlirini yadlap ejdadlirining ish-izlirini xatiriligen. Pa'aliyette, yene balilar, yashlar we chonglar guruppisi boyiche milliy sen'et nomurliri körsitilgen.

1999-Yili b d t, 21-féwral künini xelq'araliq ana til bayrimi küni qilip békitken. Bu kün, 1952-yili bén'galda ana til herikiti bashlan'ghan kündur. Shu yili pakistan hökümiti ordu tilini birdin- bir dölet tili qilip békitip, bashqa tillarning mewjutluqini inkar qilghachqa, bén'galdiki daka uniwérsitétining oqughuchiliri 21-féwral küni namayish ötküzüp, bén'gal tilini qoghdashni telep qilghan.

Pakistan saqchiliri namayishta heddidin artuq küch qollinip ikki bén'galliq oqughuchining ölümige seweb bolghan. Shu küni bashlan'ghan bén'galliqlarning ana til herikiti, axiri pakistanning parchilinishi we bén'gal dölitining qurulushigha seweb bolghan.

Muhajirettiki Uyghurlar, xelq'araliq ana til bayrimini xatirileshni, her yilliq milliy pa'aliyetliride muhim orun'gha qoyup kelmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.