Уйғур елидә узун йоллуқ аптобусларға исим бойичә биләт сетиш йолға қоюлидикән

Уйғур аптоном районлуқ қатнаш транспорт идарисиниң өткән җүмә күни ашкарилишичә, буниңдин кейин уйғур аптоном районида узун йоллуқ йолучилар аптобусиға кимликтики исим бойичә биләт сетиш йолға қоюлуп, йолучиларниң биләттики исми билән кимликтики исми бирдәк болуши тәләп қилинидикән.

2012-08-06
Share

Йеңи бәлгилимидә аптобус бекитигә кириштә омумйүзлүк тәкшүрүш йолға қоюлуп, йолучиларниң йүк тақилирини тизимлитиши вә бихәтәрлик тәкшүрүшидин өткүзүши, һәтта йолучиларниң һасатаяқ, яғач пут қатарлиқ қошумчә ярдәм буюмлириниму тизимлитиши вә бихәтәрлик өткилидин өткүзүши тәләп қилинған. Көзәткүчиләр, мәзкур бәлгилиминиң йеқинда хотәндин үрүмчигә қарап учқан бир йолучилар айропиланини булаш вәқәси йүз берип, булаш һәрикити оңушсизлиққа учриғандин кейин чиқирилғанлиқиға диққәт қилған. Хитай даирилири шу қетимқи вәқәдә айропилан булашқа урунған 6 уйғурдин бир кишиниң һасатаяққа тайинивалғанлиқини илгири сүргән иди.

Уйғур илидики хитай һөкүмәт әмәлдарлири мәзкур бәлгилимини ақлап, исим бойичә биләт сетиш түзүми қатнаш транспорт бихәтәрлики вә террорлуққа қарши туруш хизмитиниң еһтияҗини чиқиш қилип йолға қоюлғанлиқини билдүргән. Бирақ мәзкур бәлгилимини тәнқид қилғучилар бу бәлгилимә асаслиқ уйғурларға қаритилғанлиқини, бу хил кәмситиш характерлик тәдбир уйғурларниң сәпәр қилишиға илгириләп қийинчилиқ елип келидиғанлиқини илгири сүрмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт