Uyghur élide uzun yolluq aptobuslargha isim boyiche bilet sétish yolgha qoyulidiken

Uyghur aptonom rayonluq qatnash transport idarisining ötken jüme küni ashkarilishiche, buningdin kéyin Uyghur aptonom rayonida uzun yolluq yoluchilar aptobusigha kimliktiki isim boyiche bilet sétish yolgha qoyulup, yoluchilarning bilettiki ismi bilen kimliktiki ismi birdek bolushi telep qilinidiken.

2012-08-06
Share

Yéngi belgilimide aptobus békitige kirishte omumyüzlük tekshürüsh yolgha qoyulup, yoluchilarning yük taqilirini tizimlitishi we bixeterlik tekshürüshidin ötküzüshi, hetta yoluchilarning hasatayaq, yaghach put qatarliq qoshumche yardem buyumlirinimu tizimlitishi we bixeterlik ötkilidin ötküzüshi telep qilin'ghan. Közetküchiler, mezkur belgilimining yéqinda xotendin ürümchige qarap uchqan bir yoluchilar ayropilanini bulash weqesi yüz bérip, bulash herikiti ongushsizliqqa uchrighandin kéyin chiqirilghanliqigha diqqet qilghan. Xitay da'iriliri shu qétimqi weqede ayropilan bulashqa urun'ghan 6 Uyghurdin bir kishining hasatayaqqa tayiniwalghanliqini ilgiri sürgen idi.

Uyghur ilidiki xitay hökümet emeldarliri mezkur belgilimini aqlap, isim boyiche bilet sétish tüzümi qatnash transport bixeterliki we térrorluqqa qarshi turush xizmitining éhtiyajini chiqish qilip yolgha qoyulghanliqini bildürgen. Biraq mezkur belgilimini tenqid qilghuchilar bu belgilime asasliq Uyghurlargha qaritilghanliqini, bu xil kemsitish xaraktérlik tedbir Uyghurlarning seper qilishigha ilgirilep qiyinchiliq élip kélidighanliqini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet