Ürümchide aptobus poyizgha soqulup kétip bir qanche kishining jénigha zamin bolghan

Peyshenbe küni ürümchide aptobus poyizgha soqulup kétip, eng az dégende 6 kishi ölgen, 80 din artuq kishi yarilan'ghan. Weqe ürümchi waqti etigen sa'et 9 etrapida yüz bergen bolup, 531-yol aptobusi yoluchilarni ep kétiwatqanda poyizgha soqulup ketken.
Muxbirimiz irade
2011-03-24
Share

Birleshme agéntliqining xewer qilishiche, aptobustiki yoluchilarning asasliqi etigende mektepke kétiwatqan balilar bolup, yarilan'ghanlarning 41 nepiri 16 yashtin kichik balilar iken. Emma, shinxu'a agéntliqi ölgenlerning hemmisining chonglar ikenlikini xewer qilghan. Ürümchi sheherlik hökümettin weqe heqqide bayanat bergen ma shinchüen weqede yarilan'ghanlardin on nepirining ehwalining éghirliqini bildürgen.

Xewerlerde éytilishiche, hazirche weqening sewebi éniq emes, emma poyiz aptobusqa soqulup kétishtin burun bir qanche kishining dérizidin sekrep jénini qutuldurup qalghanliqigha qarighanda, aptobus chaqi poyiz rélisigha qisilip qélip, waqtida ötüp kételmigenliktin weqe kélip chiqqan bolushi mumkin iken.

Aptobus shopuri weqedin yénik yara bilenla qutulup qalghan bolup, u hazir saqchilarning soriqigha tartiliwatqan iken.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet