Uyghur aptonom rayonining yéngi sékritari muqimliqni tekitleshni bashlidi

Uyghur élini 16 yil idare qilghan wang léchüenning ornigha kelgen, kommunistik partiye komitétining sékritari jang chünshen özining deslepki sözliride iqtisadiy tereqqiyat we xelqning turmushini yaxshilashni köprek tekitligen bolsa, yéqinqi künlerdin buyan qaytidin muqimliqni qoghdash mesilisini tekitleshni bashlidi.
Muxbirimiz ümüdwar
2010.05.09
Share on WhatsApp
Share on WhatsApp

Shinxu'a xewer torining xewer qilishiche, jang chünshen 8 - may küni shinjang qoralliq saqchi bash etritini ziyaret qilip uchrishish ötküzgende, qoralliq saqchi jengchi - ofitsérlirining siyasiy we tarixiy wezipisining éghirliqini tekitlesh bilen birge ularni hoshyarliqni östürüp, dölet menpe'eti we shinjangdiki milletler ittipaqliqini qoghdap, ijtima'iy we siyasiy chong muqimliq üchün yéngi töhpe qoshushqa chaqirdi.

U, sözide qoralliq saqchi qisimlirining muqimliqni qoghdashqa qoshqan töhpisini medhiyiligen hemde " shinjangdiki bölgünchilikke qarshi küresh weziyitining qattiq we murekkep hem keskinlikini tonup yétish lazimliqi"ni tekitligen. Jang chünshenning sözliride "uzun muddetlik muqimliq we tinchliq " atalghusining köp qétim ishlitilgenliki melum.

Shinjang qoralliq saqchi bash etriti rayon weziyitini biwasite kontrol qilidighan qoralliq qisim bolup, uning bu qétimqi 5 - iyul weqesini bir terep qilishta muhim rol oynighanliqi melum.

Xitay démokratlirining perezliridin qarighanda, wang léchüen ketkendin kéyin, uning Uyghur diyaridiki her qaysi rehbiri orunlargha qoyghan bir qisim yuqiri derijilik egeshküchilirimu  qedemmu - qedem almashturulushi mumkin iken.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.