Ақ сарай үрүмчидики қирғинчиққа инкас қайтурди

Америкиниң президент сарийи ақсарай дүшәнбә күни баянат елан қилип, үрүмчидә йүз бәргән тоқунушта нурғун адәмниң өлгәнлики вә яридар болғанлиқиға даир хәвәрләрдин чоңқур әндишә қиливатқанлиқини билдүрди.
Мухбиримиз әркин
2009-07-06
Share

Ақ сарайниң баянатчиси роберт гиббс бу һәқтики баянатида мундақ дегән": бу һәқтики хәвәрләрдә өлгән вә яридар болғанларға аит әһваллар ениқсиз. Бу әһвалда вәқәгә баһа бериш яки вәзийәт тоғрисида илгирилигән һалда пәрәзләрдә болуш балдурлуқ қилиду. Биз шинҗаңдики пүтүн тәрәпләрни өзини тутувелишқа чақиримиз."

Русийидә зиярәттики америка президенти обама дүшәнбә күни русийә президенти мидвидив билән өткүзгән ахбарат елан қилиш йиғинида мухбирларниң үрүмчидики вәқә тоғрисида сориған суаллириға дуч кәлгән иди.

Обама русийидики ахбарат елан қилиш йиғинида бир мухбирниң үрүмчидики вәқәгә қандақ баһа беридиғанлиқи һәққидики суалиға җаваб берип, хитайниң вәзийитигә диққәт қилидиғанлиқини, лекин өзиниң сәпәр үстидә икәнликини, вәқә тоғрисида мәлумат елишқа өлгүрмигәнликини, бу әһвалда вәқәгә баһа берәлмәйдиғанлиқини билдүргән иди.

Обама 9 ‏- июлда италийә пайтәхти римда ечилидиған санаәтләшкән 8 дөләтниң башлиқлар йиғиниға қатнишиду. Йиғинда хитай дөләт рәиси ху җинтав билән учришиши мумкин. Үрүмчидики қирғинчилиқниң вақти дәл римдики башлиқлар йиғининиң һарписиға тоғра кәлгән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт