Aq saray ürümchidiki qirghinchiqqa inkas qayturdi

Amérikining prézidént sariyi aqsaray düshenbe küni bayanat élan qilip, ürümchide yüz bergen toqunushta nurghun ademning ölgenliki we yaridar bolghanliqigha da'ir xewerlerdin chongqur endishe qiliwatqanliqini bildürdi.
Muxbirimiz erkin
2009.07.06
Share on WhatsApp
Share on WhatsApp

Aq sarayning bayanatchisi robért gibbs bu heqtiki bayanatida mundaq dégen": bu heqtiki xewerlerde ölgen we yaridar bolghanlargha a'it ehwallar éniqsiz. Bu ehwalda weqege baha bérish yaki weziyet toghrisida ilgiriligen halda perezlerde bolush baldurluq qilidu. Biz shinjangdiki pütün tereplerni özini tutuwélishqa chaqirimiz."

Rusiyide ziyarettiki amérika prézidénti obama düshenbe küni rusiye prézidénti midwidiw bilen ötküzgen axbarat élan qilish yighinida muxbirlarning ürümchidiki weqe toghrisida sorighan su'allirigha duch kelgen idi.

Obama rusiyidiki axbarat élan qilish yighinida bir muxbirning ürümchidiki weqege qandaq baha béridighanliqi heqqidiki su'aligha jawab bérip, xitayning weziyitige diqqet qilidighanliqini, lékin özining seper üstide ikenlikini, weqe toghrisida melumat élishqa ölgürmigenlikini, bu ehwalda weqege baha bérelmeydighanliqini bildürgen idi.

Obama 9 ‏- iyulda italiye paytexti rimda échilidighan sana'etleshken 8 döletning bashliqlar yighinigha qatnishidu. Yighinda xitay dölet re'isi xu jintaw bilen uchrishishi mumkin. Ürümchidiki qirghinchiliqning waqti del rimdiki bashliqlar yighinining harpisigha toghra kelgen.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.