Ақсарай гуантанамодики уйғур мәһбусларниң америкиға қоюветилишигә наразилиқ билдүрди

Түнүгүн америка федерал сотиниң вашингитон районлуқ мәһкимиси гуантанамода тутуп турулуватқан 17 нәпәр уйғур мәһбусни америкиға йәрләштүрүш һәққидә һөкүм чиқарған иди.
Мухбиримиз шөһрәт һошур
2008-10-08
Share

Һөкүм елан қилинип узун өтмәй, ақсарай баянатчиси Dana Perino баянат елан қилип, вашингитон районлуқ сот мәһкимисиниң қарариға наразилиқ билдүрди. Баянатта, һөкүмниң америкиниң көчмәнлик қануниға хилап икәнлики, һөкүмәтниң һөкүмгә қарши алий сотқа әрз сунидиғанлиқи билдүрүлди.

Баянатта йәнә мундақ дейилди: "биз сотниң һөкүми сәвәблик әндишә ичидимиз вә һөкүмгә қарита нарази икәнликимизни билдүримиз", " әгәр бу һөкүм иҗра қилинса, нөвәттә гуантанамода тутуп турулуватқан вә америкиға қарши қәсәм ичкән бир түркүм америка дүшмәнлириниңму америкиға йәрлишишигә йол ечилиду, бу америка хәлқиниң бихәтәрликигә тәһдиттур."

Баянатта йәнә америка һөкүмитиниң, америка хәлқиниң бихәтәрлики һәм уйғур мәһбусларниңму аманлиқини нәзәрдә тутуп, уларни йәрләштүридиған 3 ‏ - бир дөләтни издәйдиғанлиқи әскәртилди. Түнүгүн йәнә америка дөләт мәҗилисиниң Dana Rohrabacher вә Bill Delahunt қатарлиқ авам палата әзалири сотниң қарарини әхлақий нуқтидин тоғра бир қарар дәп билдүрди.

Америка соти билән америка һөкүмити нөвәттә уйғур тутқунларниң америка дүшмини әмәсликидә вә уларниң әркинлик җәңчиси икәнликидә охшаш пикирдә, әмма, уйғур тутқунларни америкиға йәрләштүрүшниң, америка мәнпәәтигә пайдилиқ яки зиянлиқ икәнлики вә америка қанунлириға уйғун яки әмәслики ихтилап ичидидур.

Уйғур мәһбусларниң адвокатлири гуантанамодики уйғур мәһбусларниң у йәрдики башқа мәһбуслардин алаһидә пәрқлиқ әһвалда икәнликини, шуңа уларға алаһидә пәрқлиқ муамилә қилиниши керәкликини тәкитләп кәлмәктә.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт