Aqsu shehiride partlash weqesi yüz berdi

Peyshenbe küni aqsu shehiride partlash weqesi yüz bérip 7 kishi ölüp, 14 kishi yarilandi. Yaridarlardin 4 ining ehwalining éghirliqi melum bolmaqta. Birleshme agéntliqining xewer qilishiche, weqe aqsu shehiridiki bir kocha éghizida yüz bergen bolup, bomba qachilan'ghan bir aptomobilning partlishi bilen meydan'gha kelgen.
Muxbirimiz irade
2010-08-19
Share

Igilinishiche, weqeni sadir qilghuchi kishi bomba qachilan'ghan aptomobili bilen amanliq charlash etritidikilerge hujum qilghan. Istansimiz muxbirining igilishiche, weqeni sadir qilghuchi we ölgüchilerning hemmisi Uyghur iken.

Uyghur rayonluq hökümetning bayanatchisi xu xenming partilashning peyshenbe küni etigen sa'et 30:08 etrapida yüz bergenlikini, weqeni sadir qilghuchi kishining yaridar halda neq meydanda qolgha élin'ghanliqini bildürgen. Aqsu hökümet da'iriliri bolsa weqe üstide qattiq tekshürüshni bashliwetken.

Dunya Uyghur qurultiyining bayanatchisi dilshat rishit aqsudiki weqening xitayning Uyghurlargha qaratqan bésim siyasitining bir netijisi ikenlikini bildürdi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet