Xitay aqsuda yüz bergen partlitish weqesige chétip 4 ademni qolgha aldi

Birleshme agéntliqining béyjingdin bayan qilishiche, xitay hökümitining bayanatchisi bügün, aqsuda 4 ademning ötken heptide yüz bergen ushtumtut hujumning jinayet gumandari dep qolgha élin'ghanliqini jakarlidi.
Muxbirimiz weli
2010.08.25
Share on WhatsApp
Share on WhatsApp

Xitay saqchi orginining bayanatchisi xu xenmin bu töt kishini 'alte kishilik zorawan guruhning ezaliri', 'jama'etning bixeterliki we mülkige xéyim - xeter yetküzgen' liki üchün qanun buyiche jazalandi, dep jakarlidi.

Xewerde éytilishiche, bir yildin buyan, xitay shinjang dep atawatqan bu rayonda milliy toqunush toxtimidi. Uyghurlar bu rayonni özining ana wetini, bu rayon'gha kelgen xitaylarni tajawuzchilar dep atap kéliwatidu.

Shinxu'a agéntliqi bügünki xewiride, aqsuda 19‏ - awghust küni yüz bergen partlash weqesini 'zorawanliq jinayet' dep atidi. Weqede saqchi yardemchilirige hujum qilghan ikki kishining birining ismini exmet qurban dep élan qildi. Emma, yerlik xelqqe da'ir tepsiliy uchurlarni ashkarilimidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.