Aqsu wilayiti partkomi nopus kontrol qilish tedbirlirini kücheytmekte

Aqsu wilayitining munasiwetlik tarmaqliri tewelikidiki tughulush nisbitini 19 pirsent öpchöriside kontrol qilip, mezkur wilayet nopusini ikki milyon 300 mingdin ashurmasliq toghrisida belgilime chiqarghan.
Muxbirimiz jüme
2009.02.16
Share on WhatsApp
Share on WhatsApp

Aqsu amanliq torida körsitilishiche, mezkur wilayet partkomi nopus kontrol qilish xizmitidiki muhim nuqtini chöridigen asasta, pilanliq tughut xizmitidiki "jazalashni asas qilishtin payda yetküzüshni merkez qilishqa özgertishtin ibaret köp qatlamliq xizmet tüzülmisi berpa qilish" toghrisida körsetmilerni bergen.

Körsetmide yene, wilayet tewesidiki her derijilik pilanliq tughut tarmaqliri "asasi qatlamdiki qayta tughushqa testiq sélish xizmitige qaritilghan nazaret qilish we bashqurush xizmitini kücheytish" kérekliki qatarliqlar otturigha qoyulghan.

Xewerde ashkarilinishiche, aqsu wilayiti yene nöwette bir milyon ademning asasi uchurlirini toplap kompyutér arxip ambiri tori we pilanliq tughut torlirini qurup chiqish üchün tirishmaqta iken.

Xitay hökümiti tughut cheklesh xizmitini jenubiy Uyghur élidiki 3 wilayetni merkez qilip kücheytip élip bériwatqan bolup, xitayning Uyghur élige xitay köchmenlirini yötkep kélish qedimini tizlitish bilen birge, Uyghurlarning nopusini her xil wasitilerni ishqa sélip kontrol qilip kéliwatqanliqi dunya jama'etchilikini shübhilendürüp kelmekte idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.