Aqtuda qosh tilliq ma'aripning ziyanliri körülmekte

Tengritagh torining 4 ‏ - yanwar xewiride bayan qilinishiche, aqtu nahiyisi yéqinda 80 neper aliy mektep melumatidiki ish kütüp turghan yashni ishqa orunlashturup, qosh tilliq ma'aripning oqutquchilar qoshunini toluqlighan.
Muxbirimiz shöhret hoshur
2009.01.08
Share on WhatsApp
Share on WhatsApp

Xewerde bayan qilin'ghan qoshumche melumatlar, aqtu nahiyiside qosh tilliq siniplirida oqughuchilarning ders özleshtürüshining töwen boluwatqanliqi, oqutquchilar sépide ishsizlarning köpeygenliki, qosh tilliq ma'aripning peqet sawat chiqirish ma'aripi bolup qéliwatqanliqi qatarliq selbiy alametler körülmekte.

Xewerde bildürülishiche, hazirgha qeder, aqtu nahiyiside qosh til balilar baghchisi 35 ke, buningda terbiyiliniwatqan balilar sani 1210 gha؛ yéza - kent mektepliridiki qosh til ma'arip sinipliri 138 ge, bulardiki oqughuchilar sani 4204 ke yetken؛ emma bu sanning omumi ma'arip statistikisida qanchilik nisbet teshkil qilidighanliqi bildürülmigen.

Xitay merkizi hökümiti we Uyghur rayonluq hökümitining alaqidar höjjetliri xitayning Uyghurlar arisida qosh tilliq ma'aripni omumlashturushta texirsizlik bilen qedem bésiwatqanliqini körsetmekte.

Xitaydiki qosh tilliq ma'aripni qollighuchi xitay mutexessislermu, qosh tilliq ma'aripni omumlashturushning hazirche waqit jehettin baldur ikenlikini, buning Uyghur jem'iyitining tereqqiyatigha hem muqimliqigha ijabiy tesir körsitelmeydighanliqini bildürmekte. Chet'ellerdiki Uyghur pa'aliyetchiler bolsa, Uyghurlargha téngilghan gheyriy milliy ma'aripni Uyghurlargha qilin'ghan süyiqest dep qarap kelmekte.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.