Uyghurlarning qedimiy arxé'ologiyilik medeniyitige a'it kitab in'gliz tilida neshr qilindi

Uyghurlarning qedimiy arxé'ologiyilik medeniyiti we bu heqte élip bérilghan tetqiqatlar heqqide melumatlar bérilgen "Esirimizdiki nadir arxé'ologiyilik bayqashlar" namliq kitab yéqinda in'gliz tilida neshrdin chiqti.
Muxbirimiz irade
2012-03-08
Élxet
Pikir
Share
Print

Kitab, gérmaniyidiki lembért akadémik neshriyati teripidin neshr qilin'ghan bolup, mezkur kitabqa doktor dolqun qembirining teklimakanda olturaqlashqan xelqlerning medeniyiti we bu heqte tépilghan qedimiy yadikarliqlar, qol yazmilarni tetqiq qilish, retlesh, tehlil qilish, izah bérish we terjime qilish asasida yézip chiqqan "Teklimakan medeniyitining bayqilishi", "Ottura esirdiki Uyghur yazma yadikarliqi ma'itrisimit heqqide" we "Qisqiche Uyghur edebiyat tarixi" qatarliq 7 parche ilmiy maqalisi kirgüzülgen.

Kitabni neshr qilghuchining sözide éytilishiche, bu kitab Uyghurlarning arxé'ologiyilik medeniyiti we tarixi arqa körünüshni közdin kechürüp tekshürüsh, Uyghur tarixigha munasiwetlik medeniyet izlirini chüshendürüshte muhim ehmiyetke ige bolupla qalmay, belki qedimki we ottura esirdiki ottura asiya medeniyiti tetqiqatidimu boshluqni toldurush rolini oynaydiken.

280 Bettin terkib tapqan bu kitabning qoshumche mawzusi "Teklimakanliqlar medeniyitining qézilma melumatliri" bolup, dr. Dolqun qembiri kitabning kirish sözide, Uyghur medeniyitining dunya medeniyet tarixida tutqan ornining intayin muhimliqini tekitlep, Uyghur medeniyet yadikarliqlirini qoghdap qélishning dunya medeniyitini qoghdap qélish bilen barawer ikenlikini eskertken.

Bu kitab amérika, gérmaniye we en'gliye qatarliq üch dölette birla waqitta bazargha sélin'ghan.

Toluq bet