Kiristofér simit qatarliq amérika dölet mejlisi ezaliri arzugul weqesini dawamliq közitidu

Ular amérika dölet mejlisige, xitay hökümitining kishilik hoquqni depsende qilishini toxtitish we xitayning birleshken döletler teshkilatining nopus fond programmiliridin kishilik hoquqni depsende qilish üchün paydilinip kétishidin saqlinish üchün, amérika hökümitining hemme imkaniyetlerdin paydilinip heriket qollinishigha heydekchilik qilip turushning zörürlükini körsetti.

Kiristofér simit qatarliq amérika dölet mejlisi ezaliri bügünki bayanatida yene, xitayda arzugüldek ayallarning téxi tughulmighan balilirining xitay hökümiti teripidin görge kömüwétilishige we hamilini aldurush arqiliq anilarning salametlikini ziyan'gha uchritishqa qarshi dawamliq köresh qilidighanliqini bildürdi.

Kiristofér simit qatarliq amérika dölet mejlisi ezaliri buningdin bir nechche kün burun, arzugülning qorsiqidiki balini saqlap qélish üchün, xitayning amérikidiki bash elchisi jaw wénjung we amérikining xitaydiki bash elchisi kilark rand bilen biwaste sözleshken idi.