Uyghur élide ashliq bahasi 10 yil ichide üch hessidin artuq ösüp ketti

Ürümchidin igiligen uchurlardin melum bolushiche, yéqinqi 10 yil ichide hökümet orunliridiki xizmetchilerning ma'ashi melum nisbette östürülgen, namrat déhqanlar we sheherdiki ishsiz ahalilerge éyigha 60 somdin töwen kapaletlik yardem puli bériliwatqan bolsimu, emma bu shiddet bilen örlewatqan mal bahasidin köp töwen bolghan.
Muxbirimiz méhriban
2012-09-21
Share

Uyghurlarning bildürüshiche, ürümchide 25 kilogram xaltiliq unning bahasi 2002-yildiki 25 somdin örlep, hazirqi 88 somgha ösken. Bir kilogram qoy göshning bahasi 50 somgha ösken. Bashqa yémek-ichmek, köktat qatarliqlarning bahasimu bu 10 yil ichide shiddet bilen örligen.

Xitayning yashin torining xewiridin melum bolushiche, 8-9- ay ichide Uyghur élidiki ürümchi qatarliq sheherlerde ashliq bahasi yene 5٪ ösüp, 25 kilo unning bahasi 88 somdin 91 som ariliqida bolghan.

Uyghur élide shiddet bilen örlewatqan mal bahasi ahalilerni endishige salghan. Radi'omiz ziyaritini qobul qilghan Uyghurlar bu xil ehwalgha bolghan naraziliqini bildürüp, shinjanggha yardem bérish namida, rayonda köpligen xitay shirketlirining yerliship, türküm-türkümlep xitay köchmenlirining yötkilishi, bu zéminning esli igiliri bolghan Uyghur qatarliq yerlik xelqlerning ishsizliq nisbitini ashuruwetkenlikini, Uyghurlargha qaritilghan diniy étiqad, örp-adet, til-ma'arip jehettiki bésimlardin bashqa, Uyghurlarning eng töwen éhtiyaji bolghan tirikchilik muhitiningmu tariyip ketkenlikini bildürdi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet