Америка авам палата әзаси хитайниң тәйвән боғузидики тәһдитигә даир қанун тәклип лайиһиси тәйярлиди

Америка авам палата әзаси роберт андерийс түнүгүн хитайниң тәйвән боғузидики башқурулидиған бомба тәһдитигә диққәт қилиш мәзмунидики бир қанун лайиһиси тәйярлап, тәйвәнниң истиқбали хитайниң тәһдитигә учримаслиқини, тәйвән мәсилиси тәйвән хәлқиниң разилиқи астида тинч һәл қилиниши керәкликини тәкитлигән.
Мухбиримиз әркин
2009-10-16
Share

Мәзкур қанун лайиһисидә, хитайниң тәйвән боғузиға орунлаштурған 1400 данә башқурулидиған бомбисиға җиддий диққәт қилидиғанлиқини әскәртип, тәйвән боғузиниң қарши қирғиқидики бу қораллар тәйвән боғузиниң бихәтәрлики вә муқимлиқиға җиддий тәһдит елип келидиғанлиқини тәкитлигән. Шуниң билән биргә америка президентиниң хитай рәһбәрлиригә бесим ишлитип, тәйвәнни қораллиқ ишғал қилиш нийитидин ваз кечишкә үндәшни тәләп қилған.

Мәзкур қанун лайиһисидә йәнә, хитайниң һәрбий заманивелишиш тәрәққияти тәйвән боғузидики кәлгүси ихтилапларда тәйвәнгә бесим ишлитип, бейҗиң һөкүмитиниң тәлипини қобул қилдуруш, шуниң билән биргә тәйвән боғузида тоқунуш йүз бәрсә америкиниң тәйвәнгә ярдәм қилишиға тосалғу болуш вә тәһдит селиш ролини ойнайдиғанлиқини илгири сүргән.

Гоминдаң партийиси тәйвәндә һакимийәт үстигә чиққандин бери, хитай  -  тәйвән мунасивитидә зор бурулуш вәзийити шәкилләнгән болсиму, лекин хитай һөкүмити гези кәлсә тәйвәнни қораллиқ ишғал қилиш тәһдитидин ваз кәчмигән иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт