Awstriyide Uyghur we tibetlik namayishchilar bilen xitay namayishchilar arisida majira yüz berdi

Fransiyide ötküzülidighan sana'etleshken 20 dölet yighinigha qatnishish üchün yawropagha yétip kelgen xitay dölet bashliqi xu jintaw tünügün awstriyide ziyarette boldi.
Muxbirimiz shöhret hoshur
2011-10-31
Share

Fransiye axbarat agéntliqining bildürüshiche, xu jintawning ziyariti dawamida, xitaygha qarshi we xitayni qollighuchi namayishchilar arisida majira kélip chiqqan. Emma xewerde majiraning konkrét shekli we aqiwiti heqqide melumat bérilmigen.

Dunya Uyghur qurultiyi mes'ullirining bildürüshiche, bu qétim xu jintawgha qarshi namayishchilar asasliqi yawropadiki tibet we Uyghur pa'aliyetchiliridin teshkillen'gen. Xu jintawni qollighuchilar bolsa, xitay elchixanisi teripidin teshkillen'gen we bir künlük xizmet xirajiti bérilgen xitay oqughuchilardin teshkillen'gen.

Uyghur we tibet namayishchilar, xitayning öz rayonliridiki basturush siyasetlirini tenqid qilip sho'ar towlighan, bayanat élan qilghan. Xitay namayishchilar bolsa xitay kompartiyisining ijra'atlirigha medhiye oqughan.

Fransiye axbarat agéntliqining ziyaritini qobul qilghan tibetlik bir oqughuchi, ikki terep arisida yüz bergen majiraning sewebini chüshendürüp "Ular‏-yeni xitaylar, tibetliklerning bayriqini körüshni xalimaydu" dégen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet