Jasus gumandari babur mexsut kéler yili shwétsiyide yene sotlinidu

Shwétsiye sotida jasus gumandari babur mexsutni eyibligüchi (dawager) tomas lindstarand bügün fransiye agéntliqigha sot ehwalini ashkarilidi.
Muxbirimiz weli
2009.12.16
Share on WhatsApp
Share on WhatsApp

Tomas lindstarandning éytishiche, shwétsiyide siyasiy panaliq télep turup qalghandin kéyin, 1997‏ - yilidin buyan shwétsiye, nurwégiye, gérmaniye we amérikida turuwatqan Uyghurlar toghrisida xitaygha jasusluq qilish bilen shughullunup kéliwatqan 61 yashliq Uyghur babur mexsut tünügün sotta, xitayning ottura asiyadiki shinjang Uyghur aptonom rayonida xitayning siyasiy we dini ziyankeshlikige uchrap, yurtliridin qéchip chiqqan Uyghurlarning siyasiy panaliq télesh ehwali, salametlik ehwali, qaysi dölette turuwatqanliqi, téléfon nomuri, qaysi döletlerge sayahet qilighanliqi qatarliq ri'al ehwali toghrisida xitaygha jasusluq qilip kéliwatqanliqini ret qilghan.

Babur mexsutning jasusluq qilishi tüpelidin buningdin kéyin téximu köp Uyghurning ziyankeshkikke uchrushi mumkin idi.

Shwétsiye sotida jasus gumandari babur mexsutni eyibligüchi tomas lindstarandning bayan qilishiche, jinayet gumandari babur mexsut sot iqrarida özini, "hazir amérikida turuwatqan Uyghur rehbiri rabiye qadir xanimning ruxsiti bilen xitay wekilliri bilen uchrashqan we sözleshken," dep körsetken.

Jasus gumandari babur mexsutni eyibligüchi tomas lindstarandning éytishiche, emdi guwachilarning biri bolghan Uyghur rehbiri rabiye qadir xanim kéler yili 1‏ - yaki 2 ‏ - ayda shwétsiye sotida guwahliq bérishi kérek, iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet