Бағдадта чоң партлаш болди

Йәкшәнбә күни ирақ пайтәхти бағдад шәһиридә чоң партлаш вәқәси йүз берип, көп санда адәм өлгән. Бирләшмә агентлиқиниң хәвәр қилишичә, икки машиниға қачиланған бомба бағдад шәһәр мәркизидики һөкүмәт вә әдлийә министирликиниң бинасида йенида партлиған болуп, 136 адәм өлгән вә 500 дин артуқ адәм яриланған.
Мухбиримиз үмидвар
2009.10.25

Бирақ, сақчилар вәйран болған бина арисидин җәсәтләрни вә яридарларни тартип чиқиришни давамлаштурған болуп, өлгәнләрниң саниниң буниңдин көп болуши пәрәз қилинмақта. Әмма, һазирға қәдәр бу вәқәни кимләрниң садир қилғанлиқи мәлум әмәс. Бу партлаш әтигән саәт 10 ларда, йәни ишқа чиқиш вақитлирида йүз бәргән икән.

Бағдад шәһәр мәркизидә йүз бәргән мәзкур партлаш йеқинқи вақитлар ичидики өлгән адәм сани әң көп, әң еғир вәқә болуп һесаблинидикән. Әмма, һазирғичә, һеч қандақ бир тәшкилат бу вәқәни зиммисигә алмиған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.