Б д т баш катипи бан кимун инсан һәқлири мәсилисидә өзини ақлиди

Дуня кишилик һоқуқни көзитиш тәшкилати дүшәнбә күни елан қилған йиллиқ доклатида, б д т баш катипи бан кимунни, инсан һәқлири мәсилисидә чиң турмиди дәп тәнқид қилған иди. Бүгүн баш катип бан кимунниң баянатчиси бу һәқтә сөз қилип, бан кимунниң инсан һәқлири мәсилисидә хизмәт услубиниң башқичә икәнликини, йәни диалог вә һәмкарлиқни асаси васитә қилғанлиқини билдүргән.
Мухбиримиз шөһрәт һошур
2011-01-25
Share

Инсан һәқлири паалийәтчилири бан кимунниң услубини толиму юмшақ вә һәддидин зиядә еһтиятчан дәп тәнқид қилмақта. Бан кимунниң баянатчиси "әмәлий нәтиҗиләр бан кимунниң услубиниң үнүмлүк икәнликини көрсәтти" дегән.

Дуня кишилик һоқуқни көзитиш тәшкилатиниң доклатида, бан кимунниң өзбекистан вә түркмәнистан қатарлиқ дөләтләрни зиярәт қилғанда инсан һәқлири мәсилисини нисбәтән қаттиқ тәкитләп, хитайға охшаш чоң инсан һәқлири паҗиәлири давам қиливатқан дөләтләрни зиярәт қилғанда авазиниң пәсләп кәткәнликини, һәтта чиқмай қалғанлиқини билдүргән.

Бан кимунниң 5 йиллиқ вәзипә муддити мушу йил 12 ‏-айниң 31 ‏-күни ахирлишиду, шуңа бәзи көзәткүчиләр, бан кимунниң иккинчи қетим йәнә вәзипигә олтуруш тәмәсидә икәнликини, вәзипигә олтурушта хитайниң қоллишиға еришиш үчүн, өткән йили ху җинтав билән көрүшкәндә инсан һәқлири мәсилисини тилға алмиғанлиқини оттуриға қойған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт