Баянатчи дилшат ришит даириләрниң 18-қурултайдин кейинму уйғурларни бастурушни күчәйткәнликини әйиблиди

Дуня уйғур қурултийи баянатчиси дилшат ришит 20-ноябир күни радиомиз арқилиқ баянат берип, уйғур аптоном район даирилириниң 18-қурултайдин кейинму муқимлиқни баһанә қилип уйғурларни бастурушни күчәйткәнликини әйиблиди.
Мухбиримиз меһрибан
2012-11-20
Елхәт
Пикир
Share
Принт

Дилшат ришит сөзидә уйғур аптоном район даирилирини әйибләп мундақ деди:
‏-Даириләрниң хитайниң 18-қурултийидин кейин, үрүмчидә қанун кадирлириға йиғин ечип, «идийини бирликкә кәлтүрүп,районниң узун мәзгиллик әминликигә капаләтлик қилиш» ни тәкитлиши, әмәлийәттә районда йәнә бир нөвәтлик зәрбә бериш һәрикитиниң бешаритини бәрмәктә. Дуня җамаәтчилики хитай һөкүмитидин уйғур қатарлиқ милләтләргә қаратқан сияситидә демократийини, баравәрликни үмид қиливатқан мәзгилдә, даириләрниң йеңи баһаниләр билән уйғурларға қаратқан бастурушни барғанчә күчәйтиши, әмәлийәттә районда улар арзу қилған муқимлиқни әмәс техиму көплигән наразилиқ вә қаршилиқ һәрикәтлиригә сәвәб болиду.

Хитай мәтбуатлири уйғур аптоном районлуқ партком вә сияси-қанун комитети 19-ноябир күни сиясий қанун саһәсидики кадирларға сәпәрвәрлик йиғини ачқанлиқини хәвәр қилған. Хәвәрдә уйғур аптоном районлуқ партком сиясий қанун комитетиниң мудири шюң шйәнго сөз қилип, «пүткүл аптоном райондики һәр дәриҗилик сияси-қанун саһәсидики кадирлар вә сақчилар районниң муқимлиқини сақлашни биринчи вәзипә дәп билип, районниң узун муддәтлик әминликигә капаләтлик қилиши керәк» дегән.

Пикирләр (0)
Share
Толуқ бәт