Bayanatchi dilshat rishit da'irilerning 18-qurultaydin kéyinmu Uyghurlarni basturushni kücheytkenlikini eyiblidi

Dunya Uyghur qurultiyi bayanatchisi dilshat rishit 20-noyabir küni radi'omiz arqiliq bayanat bérip, Uyghur aptonom rayon da'irilirining 18-qurultaydin kéyinmu muqimliqni bahane qilip Uyghurlarni basturushni kücheytkenlikini eyiblidi.
Muxbirimiz méhriban
2012-11-20
Élxet
Pikir
Share
Print

Dilshat rishit sözide Uyghur aptonom rayon da'irilirini eyiblep mundaq dédi:
‏-Da'irilerning xitayning 18-qurultiyidin kéyin, ürümchide qanun kadirlirigha yighin échip, "Idiyini birlikke keltürüp,rayonning uzun mezgillik eminlikige kapaletlik qilish" ni tekitlishi, emeliyette rayonda yene bir nöwetlik zerbe bérish herikitining bésharitini bermekte. Dunya jama'etchiliki xitay hökümitidin Uyghur qatarliq milletlerge qaratqan siyasitide démokratiyini, barawerlikni ümid qiliwatqan mezgilde, da'irilerning yéngi bahaniler bilen Uyghurlargha qaratqan basturushni barghanche kücheytishi, emeliyette rayonda ular arzu qilghan muqimliqni emes téximu köpligen naraziliq we qarshiliq heriketlirige seweb bolidu.

Xitay metbu'atliri Uyghur aptonom rayonluq partkom we siyasi-qanun komitéti 19-noyabir küni siyasiy qanun sahesidiki kadirlargha seperwerlik yighini achqanliqini xewer qilghan. Xewerde Uyghur aptonom rayonluq partkom siyasiy qanun komitétining mudiri shyung shyen'go söz qilip, "Pütkül aptonom rayondiki her derijilik siyasi-qanun sahesidiki kadirlar we saqchilar rayonning muqimliqini saqlashni birinchi wezipe dep bilip, rayonning uzun muddetlik eminlikige kapaletlik qilishi kérek" dégen.

Toluq bet