Amérika prézidénti barak obama iqtisadni qozghitish qanun layihisige imza qoydi

Amérika prézidénti barak obama 2 ‏ - ayning 17‏ - küni denwér shehiride, 787 milyard amérika dolliriliq iqtisadni qozghitish qanun layihisige imza qoydi.
Muxbirimiz weli
2009-02-18
Share

Bu qanun hazir amérikida hökümet iqtisadqa arilishidighan yéngi yol belgisi bolup qaldi. Bu qanun maddilirida eskertilishiche, bu pulning %64 i asasiy qurulush, saqliqni saqlash, énérgiye, ijtima'iy sughurta qatarliqlargha, %36 i shirketlerge, shexsilerge baj kechürüm qilishqa ishlitilidu.

Birleshme agéntliqining bayan qilishiche, obama imza qoyush murasimida qilghan sözide ' bu iqtisadiy qiyinchiliq axirlashqanliqtin dérek bermeydu, belki emdi bashlan'ghanliqidin dérek béridu, dep qaraymen' dégen.

Obama imza qoyghan bu qanun amérika tarixida iqtisadni qozghitish üchün chiqirilghan eng chong qanun bolup hésablinidu. Emma bu qanun layihisi kéngesh palatasida awazgha qoyulghanda, jumhuriyetchilerdin aran 3 eza awaz bergen, awam palatasida bolsa jumhuriyetchilerdin birmu eza awaz bermigen.

Amérika awazining bayan qilishiche, bu qanunning bir maddisida amérika mélini sétiwélish' tilgha élin'ghan bolup, bu madda amérikining bashqa iqtisadiy shériklirining qarshiliqigha uchrighan idi, bu qétim resmi imza qoyulghandin kéyin, xitayning soda ministirliki buningdin qattiq bi'aram bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet