Б д т баш катипи банкимон ғәззәни зиярәт қилди

Бирләшкән дөләтләр тәшкилатиниң баш катипи бан кимон 21 - март күни ғәззә райониға йетип келип, бир қатар паалийәтлирини башлиди.
Мухбиримиз үмидвар
2010-03-21
Share

Б б с агентлиқиниң хәвиридә көрситилишичә, униң бу қетимқи сәпири оттура шәрқ тинчлиқини әмәлгә ашуруши үчүн көрситиватқан тиришчанлиқиниң бир қисими икән. Банкимон шәнбә күни пәләстин рәһбәрлири билән көрүшкәндин кейин йәкшәнбә күни йәнә исраилийә баш министири билән көрүшүшни пиланлиған. Бирақ, хәвәрдә ғәззә районидики пәләстинликләр банкимонниң бу сәпириниң нәтиҗә қазинишидин үмид күтмәйдиғанлиқини, чүнки банкимонниң илгириму исраилийини тәнқид қилған болсиму, бирақ униң роли болмиғанлиқини инкас қилишқан.
 
Алдинқи йили исраилийә қошунлири ғәззә районини топқа тутуп зор вәйранчилиқ пәйда қилғандин кейин, давамлиқ түрдә б д т ниң бу җайдики вәйран болған биналарни әслигә кәлтүрүш, ғәззә районида қурулуш елип бериш пиланлириға тосқунлуқ қилип, бу җайға қурулуш материяллириниң келишини тосқан иди. Шу сәвәбтин б д т исраилийиниң бу тосқунлуқини әйиблигән иди.

Америка авазиниң хәвәр қилишичә, банкимон иордан дәрясиниң ғәрбий қирғиқини зиярәт қилған болуп, у талаш -тартиш үстидики шәрқий йеруссалим районида исраилийә һөкүмитиниң бир түмәндин артуқ исраилийилик үчүн туралғу җай селишқа наразилиқ билдүргән һәмдә исраилийиниң мәзкур бесивелинған җайда аилиликләр бинаси селишни дәрһал тохтитиши керәкликини көрсәткән.
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт