B d t bash katipi bankimon ghezzeni ziyaret qildi

Birleshken döletler teshkilatining bash katipi ban kimon 21 - mart küni ghezze rayonigha yétip kélip, bir qatar pa'aliyetlirini bashlidi.
Muxbirimiz ümidwar
2010.03.21

B b s agéntliqining xewiride körsitilishiche, uning bu qétimqi sepiri ottura sherq tinchliqini emelge ashurushi üchün körsitiwatqan tirishchanliqining bir qisimi iken. Bankimon shenbe küni pelestin rehberliri bilen körüshkendin kéyin yekshenbe küni yene isra'iliye bash ministiri bilen körüshüshni pilanlighan. Biraq, xewerde ghezze rayonidiki pelestinlikler bankimonning bu sepirining netije qazinishidin ümid kütmeydighanliqini, chünki bankimonning ilgirimu isra'iliyini tenqid qilghan bolsimu, biraq uning roli bolmighanliqini inkas qilishqan.
 
Aldinqi yili isra'iliye qoshunliri ghezze rayonini topqa tutup zor weyranchiliq peyda qilghandin kéyin, dawamliq türde b d t ning bu jaydiki weyran bolghan binalarni eslige keltürüsh, ghezze rayonida qurulush élip bérish pilanlirigha tosqunluq qilip, bu jaygha qurulush matériyallirining kélishini tosqan idi. Shu sewebtin b d t isra'iliyining bu tosqunluqini eyibligen idi.

Amérika awazining xewer qilishiche, bankimon i'ordan deryasining gherbiy qirghiqini ziyaret qilghan bolup, u talash -tartish üstidiki sherqiy yérussalim rayonida isra'iliye hökümitining bir tümendin artuq isra'iliyilik üchün turalghu jay sélishqa naraziliq bildürgen hemde isra'iliyining mezkur bésiwélin'ghan jayda a'ililikler binasi sélishni derhal toxtitishi kéreklikini körsetken.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.