بان كىمۇن ئۆزبېكىستاننى كىشىلىك ھوقۇق خاتىرىسىنى ياخشىلاشقا چاقىردى
ئۇ، ئۆزبېكىستان پايتەختى تاشكەنتكە جايلاشقان دۇنيا ئىقتىسادىي ۋە دىپلوماتىيىسى ئۇنىۋېرسىتېتىدا نوتۇق سۆزلەپ، ئۆزبېكىستاننىڭ كۆپىنچە خەلقئارالىق ۋەدىلىرىنى ئاقلىمىغانلىقىنى تىلغا ئالغان ۋە "ھازىر بۇلارنى تولۇق يولغا قويىدىغان ۋاقىت كەلدى" دېگەن. ئەمما ئۇ، 2005 - يىلىدىكى ئەنجان ۋەقەسى ھەققىدە توختالمىغان.
بان كىمۇن ئۆزبېكىستان پرېزىدېنتى كېرىموف بىلەن بەرگەن بىرلەشمە ئاخبارات ئېلان قىلىش يىغىندا، ئۆزبېكىستان ھۆكۈمىتىنىڭ كىشىلىك ھوقۇق خاتىرىسىنى ياخشىلاشتا ئۈلگە تىكلىشىنى ئۈمىد قىلىدىغانلىقىنى ئىلگىرى سۈردى. بىرلەشمە ئاگېنتلىقىدا كۆرسىتىشىچە، بىر نەپەر ب د ت خادىمى، كېرىموفنىڭ بان كىمۇن ئوتتۇرىغا قويغان پىكىرلەرگە نارازىلىق بىلدۈرگەنلىكىنى ئاشكارىلىغان.
ئۆزبېكىستان 1991 - يىلى سابىق سوۋېتلەر ئىتتىپاقىدىن ئايرىلىپ چىققاندىن بېرى، ئۆزبېكىستاننى ئىسلام كېرىموف سوراپ كەلمەكتە. خەلقئارادىكى كىشىلىك تەشكىلاتلىرى ئۆزبېكىستان پرېزىدېنتى ئىسلام كېرىموفنىڭ قاتتىق رېجىم سىياسىتى يولغا قويۇپ، ئۆزبېك خەلقنىڭ كىشىلىك ھوقۇقلىرىنى ھەر تەرەپلىمە دەپسەندە قىلغانلىقىنى ئەيىبلەپ كەلمەكتە ئىدى.
- ئەلفىدار ئىلتەبىر ئامېرىكا ئۇيغۇر بىرلەشمىسىنىڭ يېڭى نۆۋەتلىك رەئىسلىكىگە سايلاندى
- قەشقەردە لاگېرغا ئادەم تۇتۇشتا خىزمەت كۆرسەتكەن ساقچىنىڭ قىزىمۇ 10 يىللىق كېسىلگەن
- خىتاي باچېلېتنىڭ زىيارىتى ھارپىسىدا چەت ئەلدىكى ئۇيغۇرلارغا تۈرمىدىكى ئائىلە ئەزالىرىنىڭ داۋاسىنى قىلماسلىق توغرىسىدا بېسىم ئىشلەتكەن
- قازاقىستانلىق ئۇيغۇر يىگىتى دۇنيا مۇسابىقىسىدە 3-ئورۇنغا ئېرىشتى
- «شىنجاڭ ساقچى ئارخىپلىرى» نىڭ ئاشكارىلىنىشى مۇناسىۋىتى بىلەن ميۇنخېندا خىتايغا قارشى نامايىش ئېلىپ بېرىلدى
