B d t pen- ma'arip komitéti pelestinni ezaliqqa qobul qildi

B d t pen-ma'arip komitéti bügün parizhda yighin ötküzüp, pelestinni resmiy ezaliqqa qobul qilish-qilmasliq heqqide bilet tashlidi. Yighinda 14 ke qarshi 107 awaz bilen pelestin mezkur komitétqa ezaliqqa qobul qilindi. Bu tunji qétim b d t qarmiqidiki bir organning pelestinni musteqil bir dölet süpitide ezaliqqa qobul qilishidur.
Muxbirimiz shöhret hoshur
2011-10-31
Share

Amérika awazining bu heqtiki xewiride bildürüshiche, yighinda fransiye, ereb döletliri, latin amérika we asiya döletliri bolup jem'iy 107 dölet pelestinning ezaliqini qollap awaz bergen؛ amérika, isra'iliye, gérmaniye, kanada qatarliq 14 dölet ret awaz bergen.

En'gliye we yaponiye qatarliq 52 dölet awaz bérish hoquqidin waz kechken. Qa'ide boyiche, resmiy ezaliqqa qobul qilinish üchün, b d t diki 193 ezaning 3/2qismi qoshulushi kérek.

Netijide pelestin qanuniy jehettin resmiy ezaliqqa qobul qilin'ghan bolsimu, buning b d t ning mezkur komitétining mewjutluqigha tehdit shekillendürgenliki ilgiri sürülmekte. Chünki, nöwette mezkur komitétning yilliq xirajitining 22%ni amérika üstige alghan. Amérikining alaqidar qanunlirida, pelestinni musteqil dölet süpitide qobul qilghan bir organ'gha dölet xezinisidin pul ajratmasliq békitilgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet