B d t ning yadro qorallirini kontrol qilish yighini dawamlashmaqta

5 Burjeklik binaning ashkarilishiche, nöwette amérikida 5113 dane yadro qoral oq uchi bar iken. Düshenbe küni amérika tashqi ishlar ministiri héllari klinton, birleshken döletler teshkilatining yadro qorallirini kontrol qilish yighinida, amérikining her waqit yadro qorallar mesiliside ashkara bolush meydanida turidighanliqini, amérikining nöwette dölet bixeterliki nuqtisidin yene 5000din artuq yadro qoral oq uchini saqlawatqanliqini bayan qildi.
Muxbirimiz mihriban
2010.05.04
Share on WhatsApp
Share on WhatsApp

Klinton xanim öz sözide yene, iranni yadro qorallirini kéngeytish bilen eyiblep "iran dunyaning tinchliqigha tehdit séliwatidu" dédi. Shundaqla dunyadiki her qaysi döletlerni yadro qorallirini chekleshte tirishchanliq körsitishke chaqirdi.

Yighinda iran prézidénti exmedi nijat iranning yadro qorallar mesilisidiki meydanini aqlash bilen bille "amérika qatarliq döletler yadro téxnikisini tinchliq üchün tereqqiy qilduruwatqan döletlerge tehdit séliwatidu" dep eyiblidi. Amérika, en'gliye hem fransiye wekilliri exmedi nijatning sözige naraziliq bildürüsh üchün, yighin meydanidin chiqip ketken.

Melum bolushiche, bu qétimqi yighinda yene, rusiye hem xitaymu öz meydanini ipadilep doklat béridiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.