Bérma 452 neper mehbusqa kechürüm élan qildi

Amérika prézidénti barak obamaning bérmigha qilidighan resmiy ziyariti bashlinishtin aldida, bérma hökümiti 452 neper mehkumgha kechürüm élan qildi. Bérmining resmiy axbarat organliri qoyup bérilidighan mehbuslar arisida siyasiy mehbuslar we bezi chet'el puqralirining barliqini bildürgen.
Muxbirimiz irade
2012-11-15
Élxet
Pikir
Share
Print

Emma birleshme agéntliqining éytishiche, türmidin azad qilinidighanlar ichide siyasiy mehbuslarning bar-yoqluqi hazirche éniq emes bolup, bir qisim kishilik hoquq organliri bügün bérma hökümitige siyasiy mehbuslarni qoyup bérish heqqidiki chaqiriqini tekrarlighan. Ularning qarishiche, bérma türmiliride 300 din artuq siyasiy mehbus bar iken.

Bérmining diktator hakimiyiti 2010-yilining axiridin bashlap, islahattin shepe bérishke bashlap, aldi bilen dangliq öktichi ang sang suchi xanimni kéyin 2012-yilining yanwar we séntebir éyida 50 tin artuq siyasiy mehbusni türmidin azad qilghan idi.

Bérmining bu qedemliri elwette amérikining qarshi élishigha érishken idi. Amérika prézidénti barak obamaning 19-chésla bérmida élip baridighan resmiy ziyaritimu bérmini téximu köp siyasiy islahatqa righbetlendürüshni meqset qilidu. Obamaning bérmigha qilidighan ziyariti emeliyleshken teqdirde u bérmini ziyaret qilghan tunji amérika prézidénti bolidu.

Toluq bet