Хитай бермини су електр қурулуши тохтамиға әмәл қилишқа чақирди

Бирма президенти җүмә күни баянат елан қилип, берминиң шималидики су електр қурулушини тохтатқанлиқини уқтурған иди. Қурулуш хитайниң бир су електр ширкити тәрипидин елип бериливатқан болуп, бу, райондики йәрлик хәлқниң қаршилиқиға учрап келиватқан.
Мухбиримиз шөһрәт һошур
2011-10-03
Елхәт
Пикир
Share
Принт

Бирма һөкүмитини мәзкур қурулуш һәққидә икки тәрәп арисида түзүлгән тохтамға әмәл қилишқа чақирди. Ғәрб дөләтлири тәрипидин инсан һәқлири мәсилиси үстидә тәнқидкә учрап келиватқан бирма һөкүмити йиллардин бери хитай һөкүмитиниң изчил қоллишиға еришип келиватқан. Бирма өткән йили тунҗи қетим әркин сайлам елип барған.

Сайлам гәрчә ғәрб дөләтлириниң күткинидәк дәриҗидә демократик болмиған болсиму, хәлқ ичидики мәлум гуруппиларниң иҗабий баһасиға еришкән. Шуңа көзәткүчиләр, берминиң бу қетимқи қарарини бу дөләттики азғинә демократик муһитниң нәтиҗиси дәп қарашмақта.

Йәнә хәвәрләрдин мәлум болушичә, қурулуш елип берилған җай, йиллардин бери бермидин мустәқиллиқ тәләп қиливатқан качин миллитигә аит аһалиләр районидур. Качинлар бирқанчә йилдин бери дөләтниң бир қисим иқтисадий қурулушлириға арқа-арқидин бирқанчә қетим партлитиш һуҗуми елип барған.

Бу вәқәләрдин кейин, хитай бермини қурулуш елип бериливатқан районниң муқимлиқиға капаләтлик қилишқа чақирған иди.

Пикирләр (0)
Share
Толуқ бәт