Xitay bérmini su éléktr qurulushi toxtamigha emel qilishqa chaqirdi

Birma prézidénti jüme küni bayanat élan qilip, bérmining shimalidiki su éléktr qurulushini toxtatqanliqini uqturghan idi. Qurulush xitayning bir su éléktr shirkiti teripidin élip bériliwatqan bolup, bu, rayondiki yerlik xelqning qarshiliqigha uchrap kéliwatqan.
Muxbirimiz shöhret hoshur
2011-10-03
Élxet
Pikir
Share
Print

Birma hökümitini mezkur qurulush heqqide ikki terep arisida tüzülgen toxtamgha emel qilishqa chaqirdi. Gherb döletliri teripidin insan heqliri mesilisi üstide tenqidke uchrap kéliwatqan birma hökümiti yillardin béri xitay hökümitining izchil qollishigha ériship kéliwatqan. Birma ötken yili tunji qétim erkin saylam élip barghan.

Saylam gerche gherb döletlirining kütkinidek derijide démokratik bolmighan bolsimu, xelq ichidiki melum guruppilarning ijabiy bahasigha érishken. Shunga közetküchiler, bérmining bu qétimqi qararini bu dölettiki azghine démokratik muhitning netijisi dep qarashmaqta.

Yene xewerlerdin melum bolushiche, qurulush élip bérilghan jay, yillardin béri bérmidin musteqilliq telep qiliwatqan kachin millitige a'it ahaliler rayonidur. Kachinlar birqanche yildin béri döletning bir qisim iqtisadiy qurulushlirigha arqa-arqidin birqanche qétim partlitish hujumi élip barghan.

Bu weqelerdin kéyin, xitay bérmini qurulush élip bériliwatqan rayonning muqimliqigha kapaletlik qilishqa chaqirghan idi.

Toluq bet