Хитай берма армийисиниң хитай пуқрасини етип өлтүргәнликигә наразилиқ билдүрди

13-Март күни хитай ташқи ишлар баянатчиси лю миң, берма һөкүмәт армийисиниң бу йил 12-январ күни хитайниң йүннән чеграсидин кирип, бир нәпәр хитай пуқрасини етип өлтүргәнликини ашкарилиди.
Мухбиримиз меһрибан
2012-03-13
Share

Мәтбуат хәвәрлиридин мәлум болушичә, бу йил 12-январ күни икки нәпәр берма әскири хитайниң йүннән өлкисиниң берма билән чегридаш дехуң областиға кирип, бир нәпәр хитай пуқрасини етип өлтүргән. Вәқәдин кейин хитай тәрәп берма һөкүмитигә наразилиқ билдүрүп, етип өлтүрүлгән хитай пуқраси үчүн төләм төләшни тәләп қилған. Берма тәрәп вәқәни қайта тәкшүридиғанлиқини билдүргән болсиму, әмма берма әскәрлири тәрипидин етип өлтүрүлгән хитай пуқраси үчүн төләм төләш иши техи әмәлийләшмигән.

Хитай вәзийитини көзәткүчиләрниң қаришичә, бултур берма һөкүмити зор түркүмдики сиясий мәһбусларни қоюп берип, бермида ғәрб демократийисини модел қилған бирқәдәр кәң сиясәт йүргүзүшкә башлиған. Шундин буян берма билән хитай оттурисида йеқинқи йилларда барлиққа кәлгән қоюқ мунасивәт йирақлишишқа йүзлинип, хитай билән берма оттурисидики чегра ихтилаплири қайтидин көпийишкә башлиған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт